sara
عضو جديدقلو أب حقيقي… من ٨٥ إلى ٧٩.٢ خلال شهر بس!
أنا قلت خلاص… كفاية تأجيل
وقررت أبدأ بدون تعقيد ولا ضغط 👌 لاني صدق تعبت من جسمي نفسيتي مرتبطه فيه ودايماً ما اصحى الا بالاعياد والمناسبات اذا مالقيت فستان 😭😭
وزني كان ٨٥
والحين؟ ٧٩.٢ 😭🔥
يعني نزلت ٥.٨ كيلو بشهر واحد بس!
بس اسمعوا… الموضوع مو بس وزن المرة هذي قررت ان الموضوع تغيير كامل بحياتي
🥗 أكلي (بسيط وأقدر أستمر عليه)
ما سويت دايت قاسي ولا حرمان
بس عدلت أكلي وصار كذا:
- الفطور:
بيض + توست بر أو زبادي مع فواكه
- الغداء:
دجاج مشوي أو لحم + سلطة
- العشاء:
خفيف مره (زبادي / تفاح / شوربة)
- سناكات:
مكسرات أو قهوة بدون سكر
خففت السكر مره
قللت المقليات
ركزت على الأكل النظيف
بالبدايه بعد العشاء اخذ شاي اخضر وبعدين حسيت انه يسهرني صرت اخذه المغرب وبالليل اشرب (بقدونس وليمون ) قبل انام
يوم ويوم لا لان سمعت انه مايصلح يومياً
🚶♀️ الرياضة
لا نادي ولا شي 😅
بس التزمت بـمشي يومي ٤٥ دقيقة
والله فرق معي بشكل مو طبيعي 👌
💧 الموية
٣ لتر يومياً
وأحياناً أكثر
والفرق؟
- بشرتي صارت أحلى
- طاقتي أعلى
- نفسيتي أروق
وما انسى اخذ فيتامينات (ملتي فايتمن-فيتامين دال -b12) لان عندي نقص مع (دكتور اراجع )
⸻
العناية (سر القلو أب 👀)
✨ للوجه (مرتين بالأسبوع)
ماسك بسيط:
- نشا + ماء
على النار لين يثقل
أحطه ٢٥ دقيقة
والنتيجة؟ نعومة ولمعة 🔥
⸻
للجسم والوجه
خلطتي:
- حبة سودا مطحونة
- ملعقتين حليب بودر
- ملعقة عسل
- نقطتين ليمون (اللي تتحسس لا تحط)
- ملعقتين زبادي
أحطه على جسمي كامل
وأخليه ٢٥–٤٥ دقيقة
بعدها شاور + مرطب
والنتيجة؟
نعومة + تفتيح + فرررق مره
⸻
أهم شي سويته (التطوير!)
٣ مرات بالأسبوع أجلس مع ChatGPT
وأتكلم إنجليزي
أقوله: صحح لي إذا غلطت
وأعيد وراه
وبصراحة؟
لغتي تحسنت تقريباً ٣٠٪ خلال شهر! 🔥
نفسياً
قررت اتخصلت من صدمات الطفوله او اي شي مأثر علي
وطبعاً صرت اكتب مشاكلي لشات جي بي تي ويشرح لي وش اسوي اكتب له
((كخبير سلوكي معرفي انا احس بكذا وكذا واسررد مالعلاج المناسب))
⸻
التأثير النفسي
هنا الصدمة…
- صرت أحب نفسي أكثر
- ثقتي ارتفعت مرره مرره
- مزاجي تغير ١٠٠٪
- نفسيتي مررررررره تغيرت وحماسي زاد صرت ابي انزل وزن ازود وازووود وصرت ابي اكمل مابي اوقف من حقي اكون الانسانه اللي ابيها بالضبط
والتغيير؟
مو بس ٥ كيلو…
جسمي فعلياً تغير ويبان أكثر!
حتى لوني فتح شوي
⸻
🎯 الخطة الجاية
أنا كملت شهر
وبكمل لين أوصل لوزن يرضيني (يمكن ٤ شهور)
ما راح أوقف 💪
⸻
🤍 لك أنتِ
مو لازم تبدين بيرفكت وبترتيب فيه ايام حوست فيها وايام تكاسلت المهم الاستمرار
ابدئي بس…
- امشي
- اشربي موية
- عدلي أكلك
- اهتمي بنفسك
والله بتشوفين فرق 🔥
⸻
🌸 نبدأ مع بعض؟
اللي ودها تبدأ معي تقول:
تم ✅
و
- تكتب وزنها :
- عمرها:
- هدفها (تعلم انجليزي -فرنسي-تختم كتاب-تحفظ القران )الخ
ونسوي تحدي ونشجع بعض 💕
وأنا كل نهاية شهر
برجع لكم بالتحديثات إن شاء الله