حلا الحطب 🪵🤍
المكونات

نصف كوب حليب بودرة محمّوس

نصف كوب سميد محمّوس

باكيت بسكويت شاي مطحون

2–3 ملاعق كبيرة قشطة (حسب الرغبة)

نصف علبة حليب مكثّف محلى (أو حسب ما يحتاج الخليط)

للتغطية: شوكولاتة بالحليب (جالكسي أو أي نوع تحبينه)

الطريقة

اخلطي الحليب البودرة + السميد + بسكويت الشاي المطحون.

أضيفي القشطة والحليب المكثف تدريجيًا، واعجني لين يتكوّن معك خليط متماسك (لا يكون طري زيادة).

شكّلي الخليط على هيئة أعواد طويلة ونحيفة مثل شكل الحطب.

لفّي كل عود بنايلون، وحطيه بالفريزر لين يتماسك تمامًا.

التغطية (شكل الحطب)

ذوبي الشوكولاتة.

ادهني الشوكولاتة بفرشاة سيليكون بشكل عشوائي على العود (عشان يعطيك ملمس الحطب).

رجّعيه للفريزر دقيقة–دقيقتين لين يجمد، اقلبينه وتكمّلين التغطية للجهة الثانية (لين يصير مغطى من كل الجهات).

التقديم

وقت التقديم اقطعيه بشكل مائل عشان يطلع شكل الحطب أحلى ، قطعته بشكل طولي بس ماعجبني المايل كان احلي

وبالعافية يا حلوات 🤍🤍